მშობლის გაკვეთილი "ბულინგი მოზარდებში"

             მშობელთა ჩართულობის პროგრამის ფარგლებში მანანა დარსანიას სადამრიგებლო მე-4(4) კლასში,  სამართალდამცველი მშობლის, ნორა აბუთიძეს დახმარებით ჩატარდა ინტერაქტიული გაკვეთილი, თემაზე: „ბულინგი მოზარდებში“.

          მშობელმა საინფორმაციო სლაიდის დახმარებით:

·        განმარტა ტერმინი ბულინგის (ინგ.Bullying) მნიშვნელობა.

·        გამოჰყო   ბულინგის შემდეგი ტიპები:

1.      ფიზიკური (დარტყმა, ხელის ან წიხლის კვრა, სხეულის სხვადასხვა სახის დაზიანება და ა.შ.);

2.      ვერბალური (დამცინავი სახელით მიმართვა, სიტყვიერი შეურაცხყოფა, ჰომოფობიური და რასისტული გამონათქვამები);

3.      ფარული/შენიღბული ბულინგი (რთული მისახვედრია როდის ხორციელდება; მოძალადე "ჩაგრული" პერსონის ზურგს უკან მოქმედებს, რათა საფრთხე შეუქმნას მის

რეპუტაციას და დაამციროს საზოგადოების წინაშე);

4.      კიბერბულინგი (ციფრული ტექნოლოგიების გამოყენებით, ფარული ან აშკარა დაშინების მიზნით, განხორციელებული ქმედება."კიბერბულინგში" მოიაზრება: სოციალურ ქსელებში შეურაცხმყოფელი ფოტოების ან ვიდეოს განთავსება, უხამსი ჭორების გავრცელება, მავნე მოკლეტექსტური შეტყობინებების გაგზავნა, სხვათა სახელით გვერდებისა და ანგარიშების შექმნა).

·        გააცნო:

1.      მოძალადის მახასიათებლები;

2.    ბულინგის მსხვერპლი ბავშვის ემოციური და ქცევითი მახასიათებლები;

3.    ფიზიკური მახასიათებლები;

4.      მახასიათებლები, რომლებიც სკოლას უკავშირდება;

გაკვეთილი საინტერესო, შემეცნებთი და ხალისიანი გამოვიდა. ბავშვები მივიდნენ იმ დასკვნამდე, რომ საზოგადოებამ უნდა აღკვეთოს ბულინგის ყველანაირი გამოვლინება და გადაჭრით თქვას "არა, ძალადობას!"