ლიტერატურული კონკურსი - „ჩემი პროზა“

სსიპ - ქალაქ თბილისის №128 საჯარო სკოლაში 02.11.2019–25.11.2019 პერიოდში ტარდება ლიტერატურული კონკურსი-„ჩემი პროზა“, კურატორი ქართული ენისა და ლიტერატურის მასწავლებელი თამარ ქუთათელაძე. მონაწილეობა შეუძლიათ საბაზო და საშუალო საფეხურის მოსწავლეებს.

პროექტის მიზანია:

1.წერის უნარის განვითარება;

2. შემოქმედებითი უნარის განვითარება;

3.თავისუფალი და დამოუკიდებელი აზროვნების განვითარების ხელშეწყობა;

4.მოსწავლეთა მოტივაციის ამაღლება.

კონკურსის პირობები:

Ø  მოსწავლე წერს მცირე ზომის (250-300 სიტყვა) პროზაულ ტექსტს - მინიატურას/ჩანახატს/მოთხრობას, რომელიც არსად არ ყოფილა გამოქვეყნებული;

Ø  კონკურსის თემატიკა -  მოზარდები საუბრობენ პრობლემებზე;

Ø  ერთი მოსწავლე წერს მხოლოდ 1 ტექსტს;

Ø  მუშაობის დრო განსაზღვრულია -  90 წუთი;

Ø  ტექსტი შექმნილია ქართულ ენაზე;

Ø  არ უნდა შეიცავდეს შეურაცხმყოფელ/უცენზურო სიტყვებს, გამოთქმებს, შინაარსს.

პროექტის განხორციელების ეტაპები -

Ø  პროექტზე მუშაობას ვიწყებთ საინფორმაციო სამუშაოებით საკონკურსო პირობების გასაცნობად;

Ø  საბაზო და საშუალო საფეხურის მოსწავლეებს ქართული ენის კათედრის წარმომადგენლები წარვუდგენთ შერჩეულ თემატიკას;

Ø  გავაცნობთ ლიტერატურული კონკურსის მიზნებს, სტანდარტს, შეფასების რუბიკას და ვადებს;

Ø  განვუმარტავთ დავალებასთან დაკავშირებულ ნებისმიერ  საორგანიზაციო და საკვანძო  საკითხს;

Ø  ქართული ენისა და ლიტერატურის კათედრის მასწავლებელთა და ადმინისტრაციის წარმომადგენლის მონაწილეობით  შეიქმნება ნაშრომების გამსწორებელთა და საპრეტენზიო კომისიები;

Ø  მოვიწვევთ მოსწავლეებს კონკურსზე;

Ø  კონკურსი გაიმართება სპეციალურად მომზადებულ საკლასო ოთახში/ოთახებში;

Ø  კომისია გაასწორებს მოსწავლეთა ნაშრომებს, რომელთაგან გამოვლინდება:

2 - საუკეთესო ნაშრომი - I ადგილი (1 საბაზო და 1 საშუალო საფეხურიდან);

2 - II ადგილი (1 საბაზო და 1 საშუალო საფეხურიდან);

2 - III ადგილი (1 საბაზო და 1 საშუალო საფეხურიდან);

სულ გამოვლინდება 6 საუკეთესო პროზაული ნაწარმოები, რომელთა ავტორებს სკოლის ადმინისტრაცია დააჯილდოებს შესაბამისი საჩუქრებით.

                                                               

მოსწავლეთა ნაშრომების შეფასება

№	შეფასების კრიტერიუმები	0 ქულა	1 ქულა	2 ქულა	3 ქულა	ქულათა მაქსიმალური რაოდენობა
1	ტექსტის შესაბამისობა პირობასთან	არ შეესაბამება პირობას (ნაშრომი არ ფასდება, თუ პასუხობს პირობას)	ნაშრომი ნაწილობრივ შეესაბამება პირობას	ნაშრომი სრულად შეესაბამება პირობას		2
2	კრეატიულობა	არ ჩანს მოსწავლის კრეატიული აზროვნების უნარი	ჩანს მოსწავლის კრეატიული აზროვნების უნარი	საუკეთესოდ ჩანს მოსწავლის კრეატიული აზროვნების უნარი		2
3	შემოქმედებითობა	არ ჩანს შემოქმედებითი უნარი	ნაწილობრივ  ჩანს შემოქმედებითი უნარი, თუმცა სიუჟეტი/იდეა/ფაბულა გაცვეთილი და სტანდარტულია	ჩანს შემოქმედებითი უნარი,	საუკეთესოდ ჩანს შემოქმედებითი უნარი,	3
4	იდეის აქტუალურად წარმოდგენა	საერთოდ არ არის აქტუალური	იდეა არის აქტუალური	იდეა მეტად აქტუალურია		2
5	გრამატიკა (მორფოლოგიურ-ორთოგრაფიული, სინტაქსური, სტილისა და პუნქტუაციური წესების დაცვა)	დაშვებულია 6-ზე მეტი შეცდომა	არ არის დაშვებული 6-ზე მეტი შეცდომა			1