ვიზიტი ილიაუნის SALiS ლაბორატორიაში

სსიპ ქალაქ თბილისის N128 საჯარო სკოლის 10-1, 10-2 და 10-3 კლასის მოსწავლეები ფიზიკის პედაგოგთან ქეთევან სადრაძესთან ერთად ვიზიტით იმყოფებოდნენ ილიაუნის SALiS ლაბორატორიაში. მოსწავლეებმა ჩაატარეს  ექსპერიმენტები ფიზიკაში Pasco -ს სენსორული ტექნოლოგიების გამოყენებით.

მე-10 კლასის  მოსწავლეებმა გაიხსენეს მე-8 და მე-9 კლასის მასალა და ჩაატარეს ექსპერიმენტები, აღრიცხეს მონაცემები, გამოიტანეს დასკვნა. ერთი ექსპერიმენტი მე-11 კლასის მასალიდან იყო, რაც მე-10 კლასელებს ჯერ ნასწავლი არ ჰქონდათ, მაგრამ მოსწავლეთა ჯგუფმა კარგად აუღო ალღო ექსპერიმენტის შესაბამის თეორიას და შეძლო ექსპერიმენტის წარმატებულად ჩატარება. ყველზე სასიხარულო ის იყო, რომ ექსპერიმენტის შედეგები დიდი სიზუსტით ახლოს იყო თეორიულ შედეგთან.

მოსწავლეებმა გაიუმჯობესეს მეცნიერული კვლევის, მონაცემთა აღრიცხვის, დასკვნების ჩამოყალიბების უნარები.

კვლევითი პროექტი „კეპლერის კანონები და დედამიწა-მზის ლაგრანჟის წერტილები“.

სსიპ ქალაქ თბილისის N128 საჯარო სკოლის ფიზიკის პედაგოგმა, ქეთევან სადრაძემ მე-9-2 კლასის მოსწავლეებთან ერთად განახორციელა კვლევითი პროექტი „კეპლერის კანონები და დედამიწა-მზის ლაგრანჟის წერტილები“. მოსწავლეებმა შექმნეს მზის სისტემის მოდელი, რომელზეც გამოსახეს პლანეტების ორბიტები და ლაგრანჟის წერტილები.  

პროექტს ერთ-ერთ ეტაპზე შემოუერთდა ბუნებისმეტყველების პედაგოგი მარიამ გულბიანი. იგი პარალელურად ახორციელებდა პროექტის აქტივობებს. მისი ხელმძღვანელობით მე-5-ა კლასის მოსწავლეებმა შექმნეს მზის სისტემის მოდელები.

2023 წლის 25 მაისს ჩატარდა შემაჯამებელი გაკვეთილი მე-9 და  მე-5 კლასის მოსწავლეების მონაწილეობით. მე-9 კლასის მოსწავლეებმა მათ წარუდგინეს თავიანთი შექმნილი მოდელი, უპასუხეს პატარების კითხვებს, თავადაც დაუსვეს კითხვები პლანეტების შესახებ. პატარებმა გვაჩვენეს თავიანთი შექმნილი მზის სისტემის მოდელები. 

პროექტი ფარავს მიმართულებას: მრავალფეროვანი სასწავლო მიდგომები საბუნებისმეტყველო განათლებაში. პროექტმა დადებითი გავლენა იქონია როგორც მე-9, ასევე მე-5 კლასის მოსწავლეთა თვალსაწიერის გაფართოებაში. 

ვულოცავთ ახლადარჩეულ სამეურვეო საბჭოს

2022 წლის 20 ივნისს სამეურვეო საბჭოს არჩევნები დასრულდა. დღეიდან სსიპ ქალაქ თბილისის  N128 საჯარო სკოლას ჰყავს ახალი სამეურვეო საბჭო 6 მასწავლებლისა და 6 მშობლის შემადგენლობით.

ვულოცავთ სკოლის  სამეურვეო საბჭოში არჩეულ მასწავლებლებს:

ეკატერინე ხვედელიძეს

ვიქტორია კობახიძეს

ქეთევან თულიანს

თამილა ცხომელიძეს

თამარ ქუთათელაძეს

თამარ  გაგუას

 ასევე მშობლებს:

თამარ სავანელს,

თამარ გიორგიძეს,

ქეთევან ბოჭორიშვილს,

ინგა კირკიტაძეს,

ინგა მაჩაიძე-სამხარაძეს,

ნინო გვარამაძეს.

სამეურვეო საბჭოს ახლადარჩეულ შემადგენლობას ვუსურვებთ წარმატებებს!  ბევრი კარგი საქმე  ეკეთებინოთ სკოლის საკეთილდღეოდ!

 უღრმეს მადლობას ვუხდით საარჩევნო კომისიის თავჯდომარეს მანანა დარსანიას, კომისიის მდივანს თამარ რამიშვილს, წევრებს: ნინო გვიმრაძეს, დიანა დეკანოიძეს, ანასტასია ურუშაძეს, თამარ ბაბუაშვილს, თალიკო კვეტენაძეს, მადონა იაკობიძეს, რომლებმაც წარმატებით გაართვეს თავი საარჩევნო პროცედურულ საქმეს.

სკოლა მადლობას უხდის  54  პედაგოგს მაღალი მოქალაქეობრივი პასუხისმგებლობისა და არჩევნებში მონაწილეობისათვის, აგრეთვე ყველა მშობელს, ვინც  მრავალი ყოფითი საზრუნავის მუხედავად , არ დაიზარა არჩევნებზე მოსვლა და კიდევ ერთხელ  გამოხატა სკოლისადმი პოზიტიური დამოკიდებულება.